0:00
/
1ܒܪܵܫܝܼܬ ܡܸܠܬܵܐ ܝܼܗ݇ܘܵܐ. ܘܗ̇ܘ ܡܸܠܬܵܐ ܠܟܸܣ ܐܲܠܵܗܵܐ ܗ݇ܘܵܐ. 2ܘܐܲܠܵܗܵܐ ܗ݇ܘܵܐ ܗ̇ܘ ܡܸܠܬܵܐ. ܐܵܗܵܐ ܒܪܵܫܝܼܬ ܠܟܸܣ ܐܲܠܵܗܵܐ ܗ݇ܘܵܐ. 3ܟܠ ܡܸܢܕܝܼ ܒܐܝܼܕܹܗ ܗَܘܹܐܠܹܗ: ܘܒܹܐ ܕܝܹܗ ܐܘܼܦ ܠܵܐ ܚܲܕَ ܡܸܢܕܝܼ ܗَܘܹܐܠܹܗ ܡܗ̇ܘ ܕܗَܘܹܐܠܹܗ. 4ܒܝܹܗ ܚܲܝܹ̈ܐ ܗ݇ܘܵܘ: ܘܚܲܝܹ̈ܐ ܒܲܗܪܵܐ ܕܒܢܲܝ̈ܢܵܫܵܐ ܗ݇ܘܵܘ. 5ܘܗ̇ܘ ܒܲܗܪܵܐ ܒܚܸܫܟܵܐ ܟܹܐ ܒܲܗَܪܸܢ: ܘܚܸܫܟܵܐ ܠܵܐ ܡܛܹܠܹܗ. 6ܐܝܼܬ ܗ݇ܘܵܐ ܚܲܕَ ܐ݇ܢܵܫܵܐ ܫܘܼܕܪܵܐ ܡ̣ܢ ܐܲܠܵܗܵܐ: ܫܸܡܹܗ ܝܘܿܚܲܢܵܢ. 7ܐܵܗܵܐ ܐَܬܹܐܠܹܗ ܠܣܵܗܕܘܼܬܵܐ: ܕܝܵܗَܒܸܠ ܣܵܗܕܘܼܬܵܐ ܥܲܠ ܕܗ̇ܘ ܒܲܗܪܵܐ: ܕܟܠ ܐ݇ܢܵܫܵܐ ܗܲܡܸܢ ܒܐܝܼܕܹܗ. 8ܗ̇ܘ ܠܹܐ ܗ݇ܘܵܐ ܗ̇ܘ ܒܲܗܪܵܐ: ܐܸܠܵܐ ܕܝܵܗَܒܸܠ ܣܵܗܕܘܼܬܵܐ ܥܲܠ ܕܗ̇ܘ ܒܲܗܪܵܐ. 9ܒܲܗܪܵܐ ܣܲܪܲܣܬ ܝܼܗ݇ܘܵܐ: ܕܟܹܐ ܒܲܗَܪܸܢ ܠܟܠ ܐ݇ܢܵܫܵܐ ܕܐܵܬܹܐ ܠܥܵܠܡܵܐ. 10ܓܵܘ ܥܵܠܡܵܐ ܗ݇ܘܵܐ: ܘܥܵܠܡܵܐ ܒܐܝܼܕܹܗ ܗَܘܹܐܠܹܗ: ܘܥܵܠܡܵܐ ܐܸܠܹܗ ܠܵܐ ܝܕܸܥܠܹܗ. 11ܠܟܸܣ ܕܝܹܗ ܐَܬܹܐܠܹܗ: ܘܕܝܹܗ ܠܵܐ ܩܘܼܒܸܠܗܘܿܢ ܐܸܠܹܗ. 12ܐܝܼܢܵܐ ܟܠܵܝܗܝ ܐܵܢܝܼ ܕܩܘܼܒܸܠܗܘܿܢ ܐܸܠܹܗ: ܝܘܼܗَܒܼܸܠܹܗ ܐܸܠܵܝܗܝ ܗܘܼܟܡܵܐ ܕܗܵܘܝܼ ܒܢܘܿܢܹ̈ܐ ܕܐܲܠܵܗܵܐ: ܠܐܵܢܝܼ ܕܗܲܡܸܢܝܼ ܒܫܸܡܹܗ. 13ܐܵܢܝܼ ܕܠܵܐ ܡ̣ܢ ܕܸܡܵܐ: ܘܠܵܐ ܡ̣ܢ ܪܸܙܵܝܵܐ ܕܒܸܣܪܵܐ: ܘܠܵܐ ܡ̣ܢ ܪܸܙܵܝܵܐ ܕܐ݇ܢܵܫܵܐ: ܐܸܠܵܐ ܡ̣ܢ ܐܲܠܵܗܵܐ ܦܸܫܠܗَܘܿܢ ܗَܘܝܹܐ. 14ܘܡܸܠܬܵܐ ܒܸܣܪܵܐ ܗَܘܹܐܠܹܗ: ܘܫܪܹܠܹܗ ܒܓܵܘܲܢ ܘܚܙܹܐܠܲܢ ܚܸܩܪܹܗ: ܚܸܩܪܵܐ ܐܲܝܟܼ ܕܝܼܚܝܼܕܵܝܵܐ ܕܡ̣ܢ ܒܵܒܵܐ: ܡܸܠܝܵܐ ܫܵܦܵܩܲܬ ܘܣܲܪܲܣܬܘܼܬܵܐ. 15ܝܘܿܚܲܢܵܢ ܝܘܼܗَܒܼܸܠܹܗ ܣܵܗܕܘܼܬܵܐ ܒܵܗَܣܹܗ: ܘܡܘܼܩܘܸܚܠܹܗ ܘܐَܡܝܼܪܹܗ: ܐܵܗܵܐ ܗ݇ܘܵܐ ܗ̇ܘ ܕܐَܡܸܪܝܼ: ܗ̇ܘ ܕܒܵܬَܪܝܼ ܒܹܐܬܵܝܵܐ ܝܠܹܗ ܘܩܵܕَܡܵܝܝܼ ܗَܘܹܐܠܹܗ: ܣܵܒܵܒ ܕܩܵܕَܡܵܝܵܐ ܗ݇ܘܵܐ ܡܸܢܝܼ. 16ܣܵܒܵܒ ܕܡ̣ܢ ܡܸܠܝܘܼܬܹܗ ܐܲܚܢܲܢ ܟܠܲܢ ܫܩܸܠܲܢ: ܘܫܵܦܵܩܲܬ ܡܒܵܕܵܠ ܕܫܵܦܵܩܲܬ. 17ܣܵܒܵܒ ܕܢܵܡܘܿܣܵܐ ܒܝܲܕ ܡܘܼܫܹܐ ܦܸܫܠܹܗ ܝܘܼܗَܒ̣ܵܐ: ܫܵܦܵܩܲܬ ܘܣܲܪܲܣܬܘܼܬܵܐ ܒܝܲܕ ܝܼܫܘܿܥ ܡܫܝܼܚܵܐ ܗَܘܹܐ ܠܵܗ̇. 18ܟ̰ܘܼ ܐ݇ܢܵܫܵܐ ܠܵܐ ܚܙܹܐܠܹܗ ܠܐܲܠܵܗܵܐ: ܝܼܚܝܼܕܵܝܵܐ ܐܲܠܵܗܵܐ: ܗ̇ܘ ܕܝܼܠܹܗ ܓܵܘ ܥܘܼܒܹܗ ܕܒܵܒܹܗ: ܗ̇ܘ ܗܘܼܩܹܠܹܗ (ܐܸܠܹܗ). 19ܘܐܵܗܵܐ ܝ݇ܠܵܗ̇ ܣܵܗܕܘܼܬܹܗ ܕܝܘܿܚܲܢܵܢ: ܟܲܕ ܝܗَܘܼܕܵܝܹ̈ܐ ܫܘܼܕܸܪܗܘܿܢ ܠܟܸܣܠܹܗ ܡ̣ܢ ܐܘܿܪܸܫܠܸܡ ܠܟܵܗܢܹ̈ܐ ܘܠܹܘܵܝܹ̈ܐ: ܕܒܵܩܪܝܼ ܗ݇ܘܵܘ ܠܹܗ: ܐܲܢَܬ ܡܵܢܝܼ ܝܘܸܬ. 20ܘܡܘܼܕܸܠܹܗ: ܘܠܵܐ ܣܪܸܒ̣ܠܹܗ: ܘܡܘܼܕܸܠܹܗ: ܠܹܐ ܝܘܸܢ ܐܵܢܵܐ ܡܫܝܼܚܵܐ. 21ܘܒܘܼܩܸܪܗܘܿܢ ܡܸܢܹܗ: ܒܲܣ ܡܘܼܕܝܼ: ܐܹܠܝܼܵܐ ܝܘܸܬ: ܘܐܵܡܸܪ: ܠܹܐ ܝܘܸܢ ܢܒ̣ܝܼܵܐ ܝܘܸܬ: ܘܓ̰ܘܼܘܸܒܠܹܗ: ܠܵܐ. 22ܘܐَܡܸܪܗܘܿܢ ܐܸܠܹܗ: ܡܵܢܝܼ ܝܘܸܬ: ܕܝܵܗَܒ̣ܵܚ ܓ̰ܘܼܘܵܒ ܠܐܵܢܝܼ ܕܫܘܼܕܪܵܚܠܗܘܿܢ ܡܘܼܕܝܼ ܒܹܐܡܵܪܵܐ ܝܘܸܬ ܥܲܠ ܓܵܢܘܼܟ. 23ܐَܡܝܼܪܹܗ: ܐܵܢܵܐ ܝܘܸܢ ܩܵܠܵܐ ܕܩܵܪܹܐ ܓܵܘ ܒܪܝܼܵܐ: ܡܲܫܘܹܡܘܿܢ ܐܘܼܪܚܹܗ ܕܡܵܪܝܵܐ: ܕܵܐܟ̣ܝܼ ܕܐَܡܝܼܪܹܗ ܐܹܫܲܥܝܵܐ ܢܒ̣ܝܼܵܐ. 24ܘܐܵܢܝܼ ܕܦܸܫܠܗَܘܿܢ ܫܘܼܕܪܹܐ: ܡ̣ܢ ܦܪ̈ܝܼܫܹܐ ܗ݇ܘܵܘ. 25ܘܒܘܼܩܸܪܗܘܿܢ ܡܸܢܹܗ ܘܐَܡܸܪܗܘܿܢ ܐܸܠܹܗ: ܒܲܣ ܩܵܡܘܿܕܝܼ ܡܲܥܡܘܿܕܹܐ ܝܘܸܬ: ܐܸܢ ܐܲܢَܬ ܠܹܐ ܝܘܸܬ ܡܫܝܼܚܵܐ: ܘܠܵܐ ܐܹܠܝܼܵܐ: ܘܠܵܐ ܗ̇ܘ ܢܒ̣ܝܼܵܐ. 26ܓ̰ܘܼܘܸܒܠܹܗ ܝܘܿܚܲܢܵܢ ܘܐَܡܝܼܪܹܗ ܐܸܠܵܝܗܝ: ܐܵܢܵܐ ܡܲܥܡܘܼܕܹܐ ܝܘܸܢ ܒܡ̈ܝܼܵܐ: ܐܝܼܢܵܐ ܒܓܵܘܵܘܟ̣ܘܿܢ ܟܸܠܝܵܐ ܝܠܹܗ ܗ̇ܘ ܕܐܲܚܬܘܿܢ ܠܹܐ ܝܬܘܿܢ ܒܝܼܕܲܥܝܹܗ. 27ܗ̇ܘ ܕܒܵܬَܪܝܼ ܒܹܐܬܵܝܵܐ ܝܠܹܗ: ܕܐܵܢܵܐ ܠܹܐ ܚܵܫܚܸܢ ܕܫܵܪܸܢ ܬܲܣܡܵܬܹ̈ܐ ܕܨܵܘܠܘܼ̈ܗܝ. 28ܐܲܢܹܐ ܓܵܘ ܒܹܝܬ ܥܲܢܝܵܐ ܗَܘܹܐܠܗَܘܿܢ: ܒܡܲܪܙܵܐ ܐ݇ܚܹܪ݇ܢܵܐ ܕܝܘܿܪܕܢܵܢ: ܐܲܝܟܵܐ ܕܡܲܥܡܘܿܕܹܐ ܗ݇ܘܵܐ ܝܘܿܚܲܢܵܢ. 29ܘܒܝܵܘܡܵܐ ܕܒܵܬَܪܹܗ ܚܙܹܐܠܹܗ ܠܝܼܫܘܿܥ ܒܹܐܬܵܝܵܐ ܠܟܸܣܠܹܗ: ܘܐَܡܝܼܪܹܗ: ܗܵܐ ܦܹܐܪܹܗ ܕܐܲܠܵܗܵܐ: ܗ̇ܘ ܕܒܸܫܩܵܠܵܐ ܝܠܹܗ ܚܛܝܼܬܹܗ ܕܥܵܠܡܵܐ. 30ܐܵܗܵܐ ܝܠܹܗ ܗ̇ܘ ܕܐܵܢܵܐ ܐَܡܸܪܝܼ ܒܵܗَܣܹܗ؛ ܒܵܬَܪܝܼ ܒܹܐܬܵܝܵܐ ܝܠܹܗ ܐ݇ܢܵܫܵܐ ܕܩܵܕَܡܵܝܝܼ ܗَܘܹܐܠܹܗ: ܣܵܒܵܒ ܕܩܵܕَܡܵܝܵܐ ܗ݇ܘܵܐ ܡܸܢܝܼ. 31ܘܐܵܢܵܐ ܠܹܐ ܝܵܕܥܸܢ ܗ݇ܘܵܐ ܠܹܗ: ܐܸܠܵܐ ܕܦܵܐܹܫ ܗ݇ܘܵܐ ܝܕܸܥܝܵܐ ܠܝܼܣܪܵܝܹܠ: ܣܵܒܵܒ ܕܐܵܗܵܐ ܐَܬܹܐܠܝܼ ܐܵܢܵܐ ܡܲܥܡܘܿܕܹܐ ܒܡ̈ܝܼܵܐ. 32ܘܝܘܼܗَܒܼܸܠܹܗ ܣܵܗܕܘܼܬܵܐ ܝܘܿܚܲܢܵܢ: ܘܐَܡܝܼܪܹܗ: ܚܙܹܠܝܼ ܠܪܘܼܚܵܐ ܒܸܨܠܵܝܵܐ ܡ̣ܢ ܫܡܲܝܵܐ ܐܲܝܟܼ ܝܵܘܢܵܐ: ܘܥܘܼܪܩܸܠܵܗ̇ ܥܲܠܘܼܗܝ. 33ܘܐܵܢܵܐ ܠܹܐ ܝܵܕܥܸܢ ܗ݇ܘܵܐ ܠܹܗ: ܐܸܠܵܐ ܗ̇ܘ ܕܫܘܼܕܪܸܢܹܗ ܕܡܲܥܡܸܕܸܢ ܒܡ̈ܝܼܵܐ: ܗ̇ܘ ܐَܡܝܼܪܹܗ ܐܸܠܝܼ: ܐܲܝܢܝܼ ܕܚܵܙܸܬ ܕܨܵܠܝܵܐ ܪܘܼܚܵܐ ܘܥܲܪܩܸܠܵܗ̇ ܥܲܠܘܼܗܝ: ܐܵܗܵܐ ܝܠܹܗ ܕܡܲܥܡܸܕ ܒܪܘܼܚܵܐ ܕܩܘܼܕܫܵܐ. 34ܘܐܵܢܵܐ ܚܙܹܠܝܼ: ܘܝܸܗܒܸܠܝܼ ܣܵܗܕܘܼܬܵܐ ܕܐܵܗܵܐ ܝܠܹܗ ܒܪܘܿܢܹܗ ܕܐܲܠܵܗܵܐ. 35ܘܡܸܢَܕܪܸܫَ ܒܝܵܘܡܵܢܹ̈ܐ ܐ݇ܚܹܪ݇ܢܵܐ ܟܸܠܝܵܐ ܗ݇ܘܵܐ ܝܘܿܚܲܢܵܢ ܘܬܪܹܝ ܡ̣ܢ ܬܲܠܡܝܼܕܘܼ̈ܗܝ. 36ܘܚܸܪܹܗ ܒܝܼܫܘܿܥ ܟܲܕ ܒܸܚܕܵܪܵܐ: ܘܐَܡܝܼܪܹܗ: ܗܵܐ: ܦܹܐܪܹܗ ܕܐܲܠܵܗܵܐ. 37ܘܫܡܸܥܠܗَܘܿܢ ܬܸܪ̈ܘܵܝܗܝ ܬܲܠܡܝܼܕܘܼ̈ܗܝ ܟܲܕ ܐَܡܝܼܪܹܗ: ܘܐَܙܸܠܗܘܿܢ ܒܵܬَܪܹܗ ܕܝܼܫܘܿܥ. 38ܘܕܸܪܹܗ ܝܼܫܘܿܥ ܘܚܸܙܝܵܝܠܹܗ ܒܹܐܬܵܝܵܐ ܒܵܬَܪܹܗ: ܘܐܵܡܸܪ ܐܸܠܵܝܗܝ: ܡܘܼܕܝܼ ܒܵܥܹܝܬܘܿܢ: ܐܵܡܪܝܼ ܐܸܠܹܗ ܪܵܒܝܼ: ܕܝ݇ܠܵܗ̇ ܦܘܼܫܸܩܬܵܐ: ܡܲܠܦܵܢܵܐ: ܐܲܝܟܵܐ ܟܹܐ ܗܵܘܸܬ. 39ܐܵܡܸܪ ܐܸܠܵܝܗܝ: ܬܹܐܡܘܿܢ ܘܒܸܬ ܚܵܙܹܝܬܘܿܢ. ܘܐܵܢܝܼ ܐ݇ܬܹܐܠܗܘܿܢ ܘܚܙܹܐܠܗܘܿܢ ܐܲܝܟܵܐ ܕܗܵܘܹܐ ܗ݇ܘܵܐ: ܘܦܸܫܠܗَܘܿܢ ܠܟܸܣܠܹܗ ܗ̇ܘ ܝܵܘܡܵܐ: ܘܐܲܝܟܼ ܣܵܥܲܬ ܕܥܸܣܲܪ ܝܼܗ݇ܘܵܐ. 40ܐܝܼܢܵܐ ܚܲܕَ ܡ̣ܢ ܕܐܵܢܝܼ ܬܪܹܝ ܕܫܡܸܥܠܗَܘܿܢ ܡ̣ܢ ܝܘܿܚܲܢܵܢ ܘܐَܙܸܠܗܘܿܢ ܒܵܬَܪܹܗ: ܐܲܢܕܪܹܐܘܿܣ ܝܼܗ݇ܘܵܐ: ܐܵܚܘܿܢܹܗ ܕܫܸܡܥܘܿܢ ܟܹܐܦܵܐ. 41ܐܵܗܵܐ ܡܘܼܫَܟ̰ܸܚܠܹܗ ܩܵܕَܡܵܝܬܵܐ ܠܫܸܡܥܘܿܢ ܐܵܚܘܿܢܹܗ: ܘܐܵܡܸܪ ܐܸܠܹܗ: ܡܘܼܫَܟ̰ܸܚܠܲܢ ܠܡܫܝܼܚܵܐ: ܗ̇ܘ ܕܟܹܐ ܦܵܐܹܫ ܦܘܼܫܩܵܐ: ܟܪܝܼܣܛܘܿܣ. 42ܘܡܘܼܬَܝܹܠܹܗ ܠܟܸܣ ܝܼܫܘܿܥ ܚܸܪܹܗ ܒܝܹܗ ܝܼܫܘܿܥ ܘܐَܡܝܼܪܹܗ: ܐܲܢَܬ ܝܼܘܸܬ ܫܸܡܥܘܿܢ ܒܪܘܿܢܹܗ ܕܝܘܿܚܲܢܵܢ: ܐܲܢَܬ ܒܸܬ ܦܵܝܫܸܬ ܩܸܪܝܵܐ: ܟܹܐܦܵܐ: ܗ̇ܘ ܕܟܹܐ ܦܵܐܹܫ ܦܘܼܫܩܐ: ܦܲܛܪܘܿܣ. 43ܒܝܵܘܡܵܢܹ̈ܐ ܐ݇ܚܹܪ݇ܢܵܐ: ܒܣܸܡܠܵܐ ܠܹܗ ܠܸܦܠܵܛܵܐ ܠܓܠܝܼܠܵܐ: ܘܡܘܼܫَܟ̰ܸܚܠܹܗ ܠܦܝܼܠܝܼܦܘܿܣ: ܘܐܵܡܸܪ ܐܸܠܹܗ ܝܼܫܘܿܥ: ܬܵܐ ܒܵܬَܪܝܼ. 44ܐܝܼܢܵܐ ܦܝܼܠܝܼܦܘܿܣ ܡ̣ܢ ܒܹܝܬ ܨܲܝܵܕܵܐ ܗ݇ܘܵܐ: ܡ̣ܢ ܡܕܝܼܢَܬܹܗ ܕܐܲܢܕܪܹܐܘܿܣ ܘܟܹܐܦܵܐ. 45ܦܝܼܠܝܼܦܘܿܣ ܡܘܼܫَܟ̰ܸܚܠܹܗ ܠܢܵܬܢܝܼܐܹܝܠ: ܘܐَܡܝܼܪܹܗ ܐܸܠܹܗ: ܗ̇ܘ ܕܟܬܸܒ̣ܠܹܗ ܒܵܗَܣܹܗ ܡܘܼܫܹܐ ܒܢܵܡܘܿܣܵܐ ܘܢܒ̣̈ܝܹܐ: ܡܘܼܫَܟ̰ܸܚܠܲܢ ܐܸܠܹܗ: ܝܼܫܘܿܥ ܒܪܘܿܢܵܐ ܕܝܵܘܣܸܦ: ܡ̣ܢ ܢܵܨܪܲܬ. 46ܐܵܡܸܪ ܐܸܠܹܗ ܢܵܬܢܝܼܐܹܝܠ: ܡ̣ܢ ܢܵܨܪܲܬ ܟܹܐ ܡܵܨܹܐ ܡܸܢܕܝܼ ܨܦܵܝܝܼ ܗܵܘܹܐ: ܐܵܡܸܪ ܐܸܠܹܗ ܦܝܼܠܝܼܦܘܿܣ: ܬܵܐ ܘܚܙܝܼ. 47ܚܙܹܐܠܹܗ ܝܼܫܘܿܥ ܠܢܵܬܢܝܼܐܹܝܠ ܒܹܐܬܵܝܵܐ ܠܟܸܣܠܹܗ: ܘܐَܡܝܼܪܹܗ ܒܵܗَܣܹܗ: ܗܵܐ: ܒܫܲܪܝܪܘܼܬܵܐ ܒܪܘܿܢܵܐ ܕܝܼܣܪܵܝܹܠ: ܕܦܸܠܡܵܐ ܠܲܝܬ ܒܝܹܗ. 48ܐܵܡܸܪ ܐܸܠܹܗ ܢܵܬܢܝܼܐܹܝܠ: ܡܐܲܝܟܵܐ ܒܝܼܕܲܥܝܝܼ ܝܘܸܬ: ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܹܗ ܝܼܫܘܿܥ: ܡܩܵܕَܡ ܕܩܸܪܝܸܬܠܹܐ ܦܝܼܠܝܼܦܘܿܣ: ܟܲܕ ܬܚܘܿܬ ܐܝܼܠܵܢܵܐ ܕܬܹܐܢܵܐ ܝܘܸܬ ܗ݇ܘܵܐ: ܩܲܡ ܚܵܙܸܢܘܼܟ. 49ܓ̰ܘܼܘܸܒܠܹܗ ܢܵܬܢܝܼܐܹܝܠ ܐܸܠܹܗ: ܪܵܒܝܼ: ܐܲܢَܬ ܝܼܘܸܬ ܒܪܘܿܢܹܗ ܕܐܲܠܵܗܵܐ: ܐܲܢَܬ ܝܼܘܸܬ ܡܲܠܟܹܗ ܕܝܼܣܪܵܝܹܠ. 50ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܹܗ ܝܼܫܘܿܥ: ܣܵܒܵܒ ܕܐَܡܸܪܝܼ ܐܸܠܘܼܟܼ ܩܲܡ ܚܵܙܸܢܘܼܟ ܬܚܘܿܬ ܐܝܼܠܵܢܵܐ ܕܬܹܐܢܵܐ: ܗܲܡܘܼܢܹܐ ܝܘܸܬ: ܒܘܼܫ ܓܘܼܪܹ̈ܐ ܡ̣ܢ ܕܐܲܢܹܐ ܒܸܬ ܚܵܙܸܬ. 51ܐܵܡܸܪ ܐܸܠܹܗ: ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܒܸܬ ܚܵܙܹܝܬܘܿܢ ܫܡܲܝܹ̈ܐ ܦܬܝܼܚܹܐ: ܘܡܲܠܲܐܟܹ̈ܐ ܕܐܲܠܵܗܵܐ ܒܹܐܣܵܩܵܐ ܘܒܸܨܠܵܝܵܐ ܠܟܸܣ ܒܪܘܿܢܹܗ ܕܐ݇ܢܵܫܵܐ.